سراب الرضا
قصيدة سراب الرضا لفهد القويني؛ قصيدة نبطية سعودية عن صفاء الصدر، وخذلان القريب، واستحالة إرضاء الناس حين يتحول رضا العالم إلى سراب.
أسمي باسم الله وأبدأ حروفه تصوير سنابي ما بغيت الإثاره
ماني مصور لأجل ستريك أشوفه مالي ورا كثر المشاهد تجاره
أغسل بياض الجيب والماء يحوفه ولاني بمادح فيكسآر وقاره
سجيت والهاجوس يورد سيوفه يا ليت غسل الصدر يمسح غباره
أستغفر الله من نفوس ضعوفه ترعى الحسد والحقد يقدح شراره
واللي عطيناه الغلا في كفوفه يقلب عبث لا شاف حجم اعتباره
إن طبت شفت الكبرياء والصلوفه وإن صرت ثقل قدروك بصداره
غاية رضا العالم سراب تطوفه والخبث مالي في دروبه مهاره
أبقى نقي الصدر تصدق حلوفه وحيل الولي أقوى بليل الخساره
فهد القويني